Magna Żmien
Ritratt: kollezzjoni ta’ Għaqda Mużikali Imperial
Studenti ġodda, Mellieħa Imperial Band Club, 1970
Il-preżervazzjoni tal-memorji tal-wirt awdjoviżiv ta’ Malta
Matul is-seklu għoxrin, id-dinja bdiet taqbad l-avvenimenti tal-ħajja ta’ kuljum fuq il-film u t-tejp. Il-Maltin ma kinux t’inqas, u rreġistraw mumenti tal-ħajja tal-familja, is-soċjetà, il-lingwa u l-identità fuq il-film fotografiku, il-pellikola tat-8mm u t-tejp awdjo. Illum dawn l-artefatti u l-kontenut tagħhom saru parti mill-wirt intanġibbli tagħna.
Il-proġett Magna Żmien twaqqaf fl-2018 bħala moviment mill-qiegħ li jippromwovi d-diġitalizzazzjoni u l-preżervazzjoni ta’ dawn il-kollezzjonijiet awdjoviżivi uniċi li jinsabu fid-djar tal-Maltin sabiex jiffurmaw arkivju komunitarju aċċessibbli għar-riċerkaturi u l-artisti.
Magna Żmien bdiet issalva memorji Maltin li nżammew traskurati u jiddeterjoraw fuq mezzi analoġiċi, u ħelsithom mill-formati skaduti tagħhom billi kkonvertiethom f’fajls diġitali. Billi noffru servizz ta’ diġitalizzazzjoni bla ħlas lill-pubbliku, nagħtu lill-individwi u lill-komunitajiet l-aċċess għal xbihat, ħsejjes u narrattivi li qabel kienu mitlufa. Dan il-kontenut huwa kondiviż fuq il-pjattaformi tagħna u permezz tal-attivitajiet tagħna, filwaqt li nippreżervawh għall-ġenerazzjonijiet futuri, u naraw li nħarsu l-aspett tal-kreditu u nirrispettaw xewqat id-donatur. Nemmnu li l-materjal kollu li niġbru fl-arkivju tagħna huwa parti mill-wirt komuni tagħna, u li dan il-wirt għandu jiġi kkurat kif xieraq.
Martin Hodnett collection, Haġar Qim 1966 Siġġiewi 1950s, Gloria Callus collection Martin Hodnett collection, 1966 Military men 1950s, Gloria Callus collection Carnival Victoria, Gozo 1960s, Victoria Martha Pace collection Martin Hodnett collection, Zurrieq, 1968 1940s, Victoria Martha Pace collection 1950s, Vivian Warrington collection Martin Hodnett collection, Valletta festa 1966 Martin Hodnett collection, 1966 Martin Hodnett collection, Valletta festa 1966 1950s, Vivian Warrington collection Martin Hodnett collection Laurence Camenzuli collection Valletta 1950s, Philip Pisani collection Valletta carnival 1970s, John Degabriele collection